NAGA CITY- Inarestar an sarong padre de pamilya makalihis na banugon an sarong pulis sa Milaor, Camarines Sur.
Binisto an suspetsado na si Elmer San Buenaventura, 35-anyos.
Sa nakuang impormasyon kan Bombo Radyo Naga, napag-araman na bigla na sanang binanog kan burat na si San Buenaventura si PO2 Michael Ortega na naka-assign sa PNP Milaor.
Nakailag suboot an nasambitang pulis na tulos na naglaog sa saindang hepatura alagad padagos pa an pagkurahaw ni San Buenaventura kaya man pigsaway na ini kan mismong hepe kan PNP Milaor na si PS/Insp. Dominic Borigas.
Huli sa pangyayari, pigkostudiya kan kapulisan si San Buenaventura asin pigsangatan nin kasong direct assault na igwa nin pigrerekomendar na pyansang maabot sa P12,000.
Paramientras man na nakalibre an nasambitang padre de pamilya makalihis na makapagbayad nin pyansa.
