NAGA CITY– Nagpaparahay ngunian sa ospital an sarong padre de pamilya makalihis ining pagsasaksakon kan suspek sa Zone 7, Sitio Tawang, Brgy. Fabrica, Calabanga, Camarines Sur.
Binisto an biktima na si Jae Ferrer.
Sa nagunong impormasyon kan Bombo Radyo Naga napag araman na bigla na sanang pinagsasaksak si Ferrer kan suspek na si Jose Arnaldo.
Huli digdi nagsapo nin lugad sa manlaenlaeng parte kan saiyang lawas an biktima na tulos idinalagan sa ospital tanganing ipabulong.
Sa ngunian, nagpapadagos pa man an imbestigasyon kan mga otoridad sa nasambitan pangyayari.
