Pinagtibay kan Muntinlupa City Regional Trial Court (RTC) n saindang desisyon na nag-abswelto sa dating Senador asin presenteng Mamamayang Liberal (ML) Partylist Rep. Leila de Lima asin sa saiyang driver na si Ronnie Dayan sa soboot sabwatan sa kalakalan sa iligal na droga.
Ginibo kan korte an nasambitan ng aksiyon makalihis i-remand kan Court of Appeals Eight Division an desisyon kan RTC kan Mayo 12, 2023 huli sa kabiguan na pag-ulay an mga partikular na napatunayan na mga katotoohan siring man an mga ley kun saen, pigbase kan hukom an hatol sa pag-abswelto ki De Lima.
Komo kasimbagan sa kasugoan kan korte, pigtawan-duon ni Muntinlupa Regional Trial Court Branch 204 Judge Abraham Joseph Alcantara na an pagbawi sa testimonya ni dating Bureau of Corrections (BuCor) chief Rafael Ragos an bastanteng batayan tanganing panindogan kan RTC an constitutionally guaranteed presumption of innocence.
Marurumdoman na sinaysay kaidto ni Ragos na i ni asin an aide na si Jovencio Ablen Jr. an naghatod nin P10 milyon na nalikom gikan sa illegal drug trade sa laog kan New Bilibid Prison sa harong kaidto ni justice secretary De Lima sa Parañaque City kan Nobyembre asin Disyembre 2012.
Kan 2022, binawi ni Ragos an saiyang testimonya kontra ki De Lima.
Haros pitong taon na nakulong si De Lima antes ini nakalibre makalihis na mag-piyansa kan Nobyembre 2023. An huri sa saiyang tolong kaso na may relasyon sa droga pigbasura kan Hunyo 2024.
