Nakalusot na sa Senado an prosopwestong pagamyendar sa Universal Healthcare (UHC) Law.
Sa botong 19 na pabor asin mayo mang pagtutol an inaprubaran sa ikatolo asin huring pagbasa an Senate Bill 2620.
Sigun ki Senator JV Ejercito, sponsor kan prosopwesto sa plenaryo, sa paagi kaini an mas mapapababa an premium contribution kan mga PhilHealth member asin mas mapapahewas an mga benepisyo digdi.
Piglalaoman man ni Senate Minority Leader Koko Pimentel na mababa sa 3.25 percent an premium kan mga miyembro gika sa presenteng 5 percent.
Pigpapabali man sa prosopwesto an dental services sa benefit package kan PhilHealth asin an pagsisierto na igwa nin dental expert sa PhilHealth board.
Mahigot na ipinagbabawal kan prosopwesto an paglilipat nin anuman na parte kan pondo, kita o provident fund kan Philhealth sa ibang programa kan gobyero apwera sa mga health-related programs.
