Posible na magkawsa nin tensyon an pagkakaarestar sa 29-anyos na Italian Journalist na si Cecilia Sala makalihis arestaron sa Tehran, Iran segun sa mga report sa Italy.

Pigdakop si Sala kan nakalihis na Disyembre 19, 2023, mantang nagtatrabaho sa Iran gamit an sarong regular na visa tangani na magin Journalist.

An pagkakaarestar sa saiya ay nag hudyat tangani simbagan an Ministry of Foreign Affairs kan Italy sa pagi kan pag apod sa Iranian ambassador kaini sa Italy, asin kahagdan an tulos na pagpapalaya ki Sala asin pigtawan duon ang pangangaipuhan nin makatuwirang pagtrato asin paggalang sa karapatang pantao kaini.

Dae pa malinaw kun anong partikular na pagbalgar an ginibo ni Sala. May mga report na an saiyang pagka-arestar ay posibleng may koneksyon sa saiyang kansuarin sanang podcast episode manunod sa isyu kan pangyayaring politikal sa Iran.

Mientrastanto, pigladawan man kan pamilya ni Sala na an saiyang kamugtakan sa Iran komo sarong ‘malupit’.

Segun sa mga report, ini an nakakulong sa sarong selda na may malipot na temperatura asin may nakabukas na neon light, asin dae pigtawan an mga mayor na bagay siring kan saiyang eye glass.

Apwera digde, an saiyang access soboot sa luwas ay limitado man, asin haros mayo ining pagkakataong makipag-ulay sa iba.

Kahagadan kan Ministry of Foreign Affairs kan Italy na tugutan an mga kawani kan embahada sa Tehran na bisitahon si Sala asin darahon sa saiya an mga bagay na mataong ginhawa na haros dae na soboot natamo magpuon kan makulong ini.

Alagad hurot kan embahada kan Iran sa Rome, pigsierto ninda na nakakaresiber si Sala nin gabos na kinakaipuhan kaini sa saiyang detention, asin sa sarong diplomatic meeting, kahagadan ninda sa Italy na parikason an pagpapalaya ki Abedini, na segun sa Iran pigdakop nin dae makatarungan.

Si Mohammad Abedini, ay pig arestar sa Milan kan Nobyembre 2023 basado sa kahagadon kan Estados Unidos. Si Abedini ay naaatubang sa mga akusasyon kan pagpapabakal nin mga piyesa nin drone na soboot ginamit sa sarong pag-atake kan nakalihis na 2023 na nagkawsa sa tulong miyembro nin mga pwersang militar kan Estados Unidos sa Jordan.

An akusasyon pigpahimutikan kan Iran asin sinabing an pag-arestar ki Abedini ay pagbalgar sa international law.