Tinawan-duon ni Presidente Ferdinand Marcos Jr. na ginibo sana kan gobierno an saindang mandato na ipautob an International Criminal Court (ICC) warrant of arrest kasunod kan kamawotan kan International Police.
Katakod ini sa pagkakaarestar ki dating Presidente Rodrigo Duterte.
Sigun ki Presidente Marcos Jr., ginibo ninda an pag-arestrar huli sa commitment sa Interpol asin bako sa ICC.
Dae soboot masayumahan kan gobierno an Interpol nin huli ta dakol ining naitabang sa Pilipinas siring kan pag-arestar ki Alice Guo, Arnie Teves, asin magin an operasyon sa human trafficking sa Myanmar.
Pig-ako pa ni Presidente Marcos Jr. na haloy nang nanghahagad an ICC nin mga dokumento katakod sa kaso alagad dae sinda nakipagtabangan.
Kun kaya malinaw soboot na dae sinda nakipagtabangan sa ICC asin nagsunod sana sa proseso asin ley kan Interpol.
