NAGA CITY– Nanindugan an 901st Infantry Brigade sa irarom kan 9th Infantry Division, Philippine Army (PA) na mayong pigbalgar na ley an kasuldadusan sa pag-aresto sa pigtutubudang lider kan rebeldeng New People’s Army (NPA) sa banwaan kan Sangay, Camarines Sur.
Sa entevista kan Bombo Radyo Naga ki LtC. Juan Alden Masagca, Brigade Commander kan 901IB, sinaysay kaining nakuanan nin badil asin mga subersibong dokumento si Antonio Narvaez kun kaya dinakop ini kan pwersa kan 83rd IB.
Pag abot suboot sa kampo kan militar, nagtuga Narvaez na miembro siya kan rebeldeng NPA asin may mga ipigsiwalat suboot ining impormasyon sa militar.
Sigon ki Masagca, nakatalaan na kuta nang iturn-over kan militar sa kustodiya kan PNP si Narvaez alagad nagsayuma suboot ini asin mas piniling magpakustodiya na sana sa 83rd IB para sa saiyang seguridad.
Katakod kaini, naggibo suboot an saindang linya nin sarong affidavit na magpatunay na kagustuhan mismo ni Narvaez an magpakustodiya sa militar.
Dugang pa ni Masagca, mayong binalagar an militar huli na man ta sarong ‘warantless arrest’ suboot an apod digdi makalihis makunan nin baril asin mga subersibong dokumento si Narvaez.
Magigirumdumang enot nang kinondena kan pamilya asin kan rebeldeng grupo an suboot iligal na pag-arestar asin pagkustodiya kan militar sa pigtutubudang saro sa saindang mga lider.
