NAGA CITY- Nagtiripon an Barangay Kagawad asin Chairman of Committee on Children tanganing i-assess an aktibidad kan 27 barangay council for the protection of children sa siyudad nin Naga.
Sa nagin paghampang sa mga kagawad kan media ni Elmer Baldemoro, Naga City Childrens Affairs Office Executive Director, sinaysay kaini na napag-ulayan sa nasambitan ng pagtiripon an dapit sa mga programa na para sa mga kaakian siringman an pagpaplano kan mga programa asin proyekto para sa masunod na taong 2025.
Sigun ki Baldemoro an Barangay Council for the Protection of Children, iyo man an nangengenotan sa mga programa sa barangay na nakalaan para sa mga kaakian siring kan health, nutrition asin iba pa.
Dugang pa kan opisyal, huli sa paglalapigot kan nasambitan ng opisina pasado ini sa assessment kan DILG asin nakakua nin receipt of good local governance.
Mientrastanto, liwat man na pigtawan duon kan opisyal na bawal an pangangaroling kan mga kaakian sa gilid kan tinampo o kaya sa mga lunadan nin huli ta peligroso ini para sa sainda.
Sa ngunyan, padagos man na nakaantabay an City Social Welfare and Development sa naglalangkaw na numero kan mga kaakian na nagdadayo sa siyudad nin Naga tuyong igwang darakulang selebrasyon.
