Pigtalaan sa Setyembre 7 an canonization kan pigkonsiderar na enot na millenial saint na si Carlo Acutis.
Pig-anunsyar ni Pope Leo XIV an nasambitan ng canonization ni Acutis kun saen ini an magigin primerong pag-canonize kan Santo Papa sa saiyang pagtukaw.
Kan nakalihis na Abril 27 sana ini isinagibo alagad ini an ipinagpauktaba huli sa pagkagadan ni Pope Francis.
Binawian nin buhay sa edad na 15 sa Northern Italy kan nakalihis na taong-2006 huli sa leukemia.
Kan ini nabubuhay pa mahilig ini sa hiking, video games asin pagsuba sa mga amigo.
Nagtukdo ini nin katekismo sa mga lokal na parokya asin nagsagibo man nin pagtabang sa mga homeless.
Huli sa saiyang tibay sa computer, nagkriar ini nin online exhibit mapadapit sa labi 100 na eucharistic miracles na pigbibisto kan simbahan nin pirang siglo.
Nagin sarong pilgrimage site an saiyang lubungan kan taong-2005 kun saen nakabugtak ini sa salming na kabaong asin nakasulot sana nin maong na pantalon, sweatshirt asin sneakers.
Makakasabay kaini sa canonization si Italian Catholic, Pier Giorgio Frassati, na binawian nin buhay sa edad na 24 makalihis dapuan nin polio.
