NAGA CITY- Natapos na an pagpapakarhay asin pagbubugtak kan mga pedestrian lane sa may parte kan CBD 1 sa siyudad nin Naga.
Sa nagin paghampang sa mga kagawad kan media ni Renne Gumba, pamayo kan Public Safety Office-Naga, sinaysay kaini na personal na pigbista soboot kan saindang opisina an pigsagibong finishing touches sa mga pedestrian sa may parte kan CBD 1, kun saen natapos na ini asin nasa marhay na kondisyon.
Huli digde, sigun ki Gumba, laoman an pag-implementar kan Jay Walking Ordinance tanganing mapakarhay an bulos kan trapiko siringman malikayan an mga aksidente sa tinampo.
Dugang pa kan opisyal sa oras na maipautob na an nasambitan ng ordinansa, mahahampang sa magkakanigong penalidad an siisay man na madadakop na nagbabalyo sa dae tamang balyuhan.
Kun kaya pig-enkaminar ni Gumba an gabos na magsunod sa mga i-implementar na mga panundon dapit digde.
Mientrastanto, dagos-dagos man an pigkukundusir na one time big time operation sa siyudad nin Naga asin an mga pagpapakarhay nin mga tinampo kun kaya importante soboot na preparado an publiko sa mga kasuguan dapit digde.
Sa ngunyan, hagad na sana liwat kaini an kooperasyon kan gabos tanganing magin marhay man an pag-implementar kan mga programa sa bilog na Naga City.
