Pig-anunsyar kan Commission on Elections (Comelec) kan nakalihis na aldaw nin Sabado, Marso 15 na nakumpleto na an pag-imprenta kan labi sa 68 milyong balota para sa 2025 national asin local elections.
Sigun sa report, sinabi kan Comelec na sa oras na maisapinal na man an verification process para sa 68,542,564 balota, an mga ini an mamarkahan, siselyuhan asin ipreparar na para sa distribusyon.
Kasabay kaini, pig report man kan komisyon na nagpuon na an pagdispatsa sa anom na milyong rejected ballots gikan sa warehouse kaini sa Santa Rosa, Laguna.
Ibinyahe an mga ini pasiring sa paper mill sa Pampanga para sa disposal.
Mientrastanto, natapos na man kan Comelec an pag-imprenta sa labi kabanga nin 68 milyong voter information sheets (VIS) na kaipuhan para sa halalan.
Pig anunsyar ni Comelec Chairperson George Garcia na hasta kan nakalihis na Marso 14, nasa 55% o 37 milyong VIS na an naimprenta sa National Printing Office (NPO) satellite facility sa Meycauayan, Bulacan.
Sa nasambitan ng bilang, 21% na digde an opisyal nang naberipika.
