NAGA CITY – Lugadan an sarong lalaki makalihis magkabudalan an sarong delivery truck asin sarong motorsiklo sa bandang alas-2:15 nin mag-oomagahon sa zone 1, San Felipe, Naga City ngunyan mismong aldaw kan Maundy Thursday, Marso 28, 2024.
Basado sa mga report, magdedeliver sana kuta nin mineral water an nasambitan ng truck na hali pa sa Laguna kan bigla na sanang magsulpot an motorsiklo na pigmamaneho man kan sarong Francis Albert Araojo gikan sa sarong eskinita rason tanganing magkabudalan an duwang behikulo.
Mayo man nin ilaw asin sulot na helmet an driver kan motorsiklo, mantang huli sa pangyayari nagsapo ini nin lugad sa saiyang lawas.
Sa ngunyan, nagpapadagos pa an pigsasagibong imbestigasyon kan mga otoridad dapit sa nasambitan ng insidente.
Katakod kaini, liwat man na nagpagirumdom an mga kapulisan na perming magsunod sa batas trapiko orog na an pagsusulot nin tamang klase kan helmet tanganing malikayan an malalang danyos orog na sa oras kan aksidente.
