NAGA CITY- Nagpuon na ngunyan nin aldaw an pag-opisina kan mga City Youth Officials sa saindang kanya-kanyang counterpart sa siyudad nin Naga.
Sa nagin paghampang sa mga kagawad kan media ni Naga City Administrator Elmer Baldemoro, sinaysay kaini na kada taon, tuyong summer vacation nagkakaigwa nin City Youth Officials Program.
An nasambitan ng programa an pigdesinyo para sa mga jovenes na magigin counterpart kan City Mayor, Vice-Mayor, Members of Sangguniang Panglungsod asin Department Heads.
Sigun pa ki Baldemoro, 1 and 1/2 month an durasyon kan mga City Youth Officials na kun saen sinda man an makakareseber nin sweldo na katampad kan employee kan siyudad.
Obheto soboot kan programa na ini an ma-training an mga jovenes asin maeksperyensiyahan an mga piggigibo sa City Hall partikularmente an saindang mga counterpart siringman maaraman kun ano an contribution kan mga youth officials sa development kan Naga.
Katakod kaini, igwa man nakatagamang pondo o budget para sa mga programa na saindang gigibuhon asin pigsierto man kan LGU-Naga na yaon an saindang suporta sa kaplanuhan kan mga kajovenan.
Sa ngunyan, pig-enkaminar na sana kan konsehal an mga jovenes na makisumaro sa pagpapa-uswag kan siyudad asin iheras an saindang pigtatagong tibay sa ladangan kan pag-gogobernar.
