Pinag-uulayan na ngunyan kan gobyerno kun papano mari-regulate an pagpo-post kan mga impormasyon sa social media.
Ini an sa tahaw kan nagkuriyat na fake news makalihis arestaron kan International Criminal Court sa paagi kan Interpol si dating Presidente Rodrigo Duterte.
Sinaysay ni Palace Press Officer USec Claire Castro, bako sanang gobyerno kundi pati an taumbayan o bilog na nasyon an kaipuhan soboot magtarabangan tanganing malikayan asin dagusan na masawata an pagkuriyat kan mga bakong totoong impormasyon gamit an internet o social media.
Ini man soboot an rason kun tano naghahagad sinda nin tabang kan main stream media tanganing mailuwas sa publiko an mga totoong impormasyon na talagang nagsasairarom sa masusing pag verify.
Magin an korte suprema soboot, nagrereklamo na man sa fake news, huli ta nagkukuriyat man kasuarin sana sa social media an sarong pekeng dokumentos na nagpapahiling kan sarong petisyon soboot na nagpapabutas sa pwesto ki Presidente Ferdinand Marcos Jr. S
igun ki Castro, whole of national approach an kaipuhan tanganing dagusang masawata an pagkuriyat kan fake news online.
