NAGA CITY- Dae pa masasabi kan Department of Education Camarines Sur, kun igwang pagbaba sa performance level kan mga estudyante ngunyan na asynchronous pa an klase.
Sigun ki Schools Division Spokesperson, Atty. Salvador Pelingon, piglalaoman na mahihiling an resulta makalihis an 4th quarter examination.
Dugang pa kaini, na-o-obserbahan man ninda na dae masyadong nasasakitan an mga kaakian orog na ta saindang pigsisierto an mga lakdang tanganing dae maapektaran an performance level kan mga kaakian sa pag-aadal.
Katakod kaini, an mga paratukdo pa man giraray an makakahiling sa performance kan mga estudyante orog na ta igwang mga report na dae masyadong nagigin aktibo an mga kaakian kaya mismong an mga paratukdo na an naghahatod nin learning materials.
Marurumduman, ipinautob an asynchronous classes sa mga pampublikong eskwelahan huli sa labing init kan panahon.
