Naga City – Mayo pa sa hurisdiksyon kan Comelec an pagbabaklas kan campaign poster o tarpaulin kan mga kandidato sa siyudad nin Naga.
Sa entrevista kan Bombo Radyo Naga ki Atty. Maico Julia Jr., Election Officer, Comelec-Naga, pigsaysay kaini na dae pa man soboot opisyal na kandidato sa oras na nagsunad nin certificate of candidacy asin magigin opisyal sana man ini antes magpuon an campaign period puon February 11 sa nasyonal asin March 28 , 2025 sa lokal.
Boot sabihon an mga aspiranteng kandidato dae pa soboot covered kan comelec rules.
Dugang pa man kan opisyal, an mga darakulang tarpaulin an dae pa man regulated kan Comelec huli ta sa lokal asin nasyonal mayo man nin pre-mature campaining kumparar sa Barangay asin Sk Election.
Katakod kaini, an nasambitan ng tarpaulin na pigtatarakod bako pa man election laws asin comelec resolution an ma-govern kaini kundi pwedeng civil law o criminal law, alagad magkakanigo sanang ikabit an mga tarpaulin sa mga lugar na igwa nin permiso sa may-sadiri asin kun sa mga government property man, madepende soboot sa rules and regulations kan partikular na government agency siring kan LGU o Barangay.
Pigsaysay pa man ni Julia na para man sa mga pampublikong lunadan siring kan jeep, tricycle asin padyak, igwa na man desisyon an supreme court pig-aapod na 1 utak vs comelec na dai man restricted an paglaag nin mga posters sa mga pampublikong lunadan.
