Pigbubusol ni Agusan del Norte Representative Dale Corvera an House Bill No. 5222 o prosopwestong ley na nagbabawal sa mga opisyal kan gobierno asin saindang mga kaparientes, aki asin negosyo na maglaog sa kontrata sa gobierno.
Obheto panukala ni Corvera na maibwelta an tiwala kan namamanwaan asin masierto na an mga transaksyon sa gobierno an dae maiipluwensyahan asin magagamit sa pansadiring interes kan mga nasa posisyon.
Enkaso nagin ley an prosopwesto ni Corvera susunadan nin saro hasta sampulong taon na pagkakulong an mga mabalgar digde kaibahan an multa na katampad nin 50% kan kantedad nin transaksyon o kontrata na nakua ninda asin pagbabawalan na magbali sa anuman na pwesto sa gobierno.
Malinaw an mensaheng hatod kan prosopwestong ley ni Corvera na an pagsisirbisyo sa publiko an calling o obheto asin bakong aoportunidad sa pagnenegosyo.
