Mahigot nang ipagbabawal kan Philippine National Police (PNP) an paglalaog nin mga visible tattoos sa gabos nin mga pulis.
Sigun ki Philippine National Police Public Information Officer (PIO) Chief Police Colonel Jean Fajardo, hinali an moratorium sa nasambitan ng kasuguan makalihis an masusing review kaya dagos na liwat an pagpapautob kaini.
Sa ngunyan, pig-aayos naman ninda an proseso sa pagpupura kan mga tattoo. Sa irarom kan Memorandum Circular 2024-023 na inaprubaran kan Marso 2024, pinatatanggal an gabos nin visible tattoos kan mga pulis. Required man na maggibo nin affidavit an sarong pulis na igwa nin tattoo na bakong visible asin dae na ini tutugotan pang magdugang nin tattoo sa anuman na parte kan saiyang lawas maski ini an naitatago kan saiyang police uniform.
Kabali sa mga tattoo na kaipohang ipapura an siring kan Extremist tattoos, Ethnically or religiously discriminatory and offensive tattoos, Indecent tattoos, Racist tattoos, Sexist tattoos, Tattoos associated to “prohibited or unauthorized”. Dae man sakop kan bagong panuntunan an aesthetic tattoos siring kan eyebrows, eyeliner asin lip tattoo.
An isay man na mabalgar digdi an mahahampang sa kasong administratibo.
