Kinumpirmar kan Commission on Elections (Comelec) na naiheras na an honoraria para sa mga nagsirbi kan nakalihis na Mayo 12 midterm elections na natapos kan nakalihis na aldaw nin Sabado Mayo 23.
Sigun ki Comelec Chair George Garcia, pinag lalaomang makukumpleto an bayad sa bilog na nasyon sa Biyernes.
Dae pa kaya kabali digde an karagdagan na PHP1,000 na inaprubaran pagkatapos kan eleksyon.
Sigun sa Election Service Reform Act, dapat maitao an nasambitan ng honoraria sa laog nin 15 aldaw makalihis an halalan.
Advertisement
Labi sa 750,000 an nagsirbi komo poll workers, na kun saen an chairperson ay nagresiber kan PHP12,000 asin man an mga miyembro ay nasa kantidad PHP11,000 man.
Advertisement
