Nagpapadagos pa an pigsasagibong imbestigasyon kan mga otoridad sa India sa nangyaring pagbagsak kan Air India Plane na pasiring sa London.
Sa report ni Jitin Ahluwalia gikan sa India, sinaysay kaini na nagpapadagos pa an imbestigasyon dapit sa nasambitan ng insidente, alagad basado sa mga local report posibleng engine failure an rason kan pagbagsak kan nasambitan ng eroplano.
Sigun pa ki Ahluwalia, sulamenteng sarong British national an nakasalbar.
Apwera pa digdi, tatabangan man soboot kan Air India asin Indian government an mga kaparientes kan biktima.
Sigun man sa survivor, nakatukaw ini harani sa exit kan eroplano asin naglukso ini antes na magsabog. Sigun pa ki Ahluwalia, nakakaeksperyensiya pa nin Trauma an survivor asin dae pa kaini aram kun pano ini nakasalbar.
Mientrastanto, an nasambitan naman na insidente an bihira nin huli ta kadaklan sa mga flight sa India an salbado man.
Marurumdoman, nagbagsak an Air India plane sa Ahmedabad, India sarong Boeing 787-8 Dreamliner, na pasiring sa London Gatwick asin igwa nin lunad na 242 katawo.
Kun saen, 241 na katawo an kumpirmadong nagadan asin saro sana an nakasalbar.
