Pigpapa-imbestigaran ni Senator Risa Hontiveros an pagbagsak kan sugar industry kan nasyon asin pigpaparepaso an mga ley na piglalaomang mapakusog kudta na sa nasambitan ng sektor.
Tinukoy ni Hontiveros na sa ibong kan Sugar Regulatory Administration (SRA) charter asin Sugar Industry Development Act (SIDA), padagos an pagbagsak kan local sugar industry sa paglihis kan panahon huli sa pagbaba kan produksiyon, halangkaw na production cost asin bakong epektibong milling operations.
Nakasaysay sa Senate Resolution 298 na nagtitinir na huri an mga local producers kan asukar sa nasyon sa mga kakompitensiya na Brazil, Thailand asin Colombia asin maski pa maglangkaw an local production kan taong-2025, 87 percent sana an nasimbagan kaini sa local demand.
Sigun pa sa senadora, padagos mang namomroblema an mga paraoma sa naglalangkaw na kantidad alagad hababang productivity asin pagkalugi mantang an mga consumer an nagsasapo pa sa halangkaw na presyo kan asukar sa ibong kan halangkaw na imports asin pagbaba kan global prices.
An sugar industry an nagsusuporta sa 700,000 na obrero asin anom na milyong kabuhayan sa nasyon.
