Pinugulan kan Korte Suprema an pagbabalyo nin pondo kan Philippine Health Insurance Corporation o Philhealth sa paagi kan pagpapaluwas kan temporary restraining order (TRO).
Segun sa tagapagtram kan SC na si Atty. Camille Sue Mae Ting, an nasambitan ng TRO an epektibo tulos makalihis na paburan kan korte an prayers o kahagadan kan tulong petitioner.
Kabali sa mga petitioners ang 1Sambayan, Senator Aquilino “Koko” Pimentel, asin Bayan Muna na na pig hangad an pagbalyo kan Philhealth funds sa National Treasury.
Kun marurumduman, naibalyo na an maabot sa P20 billion na pondo kan nakalihis na May 10 asin dugang na P10 billion kan nakalihis man na August 21, 2024.
Naibalyo na man an ikatulong tranche ngunyan na bulan na nagkakantidad nin maabot sa P30-B.
Paliwanag pa ni Atty. Ting, dae na maibabalik sa Philhealth an pondo kaini na enot nang naibalyo sa National Treasury nin huli sa dae na ini sakop kan TRO.
