NAGA CITY- Piglalaoman kan lokal na gobierno kan siyudad nin Naga na magkakaigwa nin dakulang epekto an pagbabalyo sa biyahe kan mga Turbo prop aircraft gikan sa NAIA pasiring sa Clark sa operasyon kan Naga Airport.
Sa nagin paghampang sa mga kagawad kan media ni Naga City Mayor Nelson Legacion, sinaysay kaini na antes pa man magluwas an bareta, igwa na soboot nakaabot sa saindang kopya kan resolution No. 2024-02 gikan sa Manila Slot Coordination Commitee kan Ninoy Aquino International Airport sa irarom kan Civil Aviation Authority of the Philippines sa pamamayo kan Department of Transportation.
Nakapalaog digde an kasuguan na dapat sa bulan kan Oktubre 2025, 100% nang naibalyo an biyahe kan mga Turbo prop aircraft gikan sa NAIA pasiring sa secondary airport na Clark.
Sigun sa opisyal nin huli ta Turbo prop aircraft an gamit sa Naga Airport, maapektaran kan nasambitan ng mandato an biyahe na igwang ruta na Naga Aiport- NAIA sa maabot na bulan kan Oktubre.
Posible na soboot na mayo ng maglunad na pasahero nin huli ta mapasiring na an mga ini sa Bicol International Airpor sa Daraga, Albay nin huli ta yaon duman an darakulang eroplano. Pigtawan duon pa kan alkalde na na labing inconvencience sa mga pasahero an nasambitan man na kasuguan.
Mientrastanto, an pangyayari an kalayuhan pa soboot na i-implementar an Naga Airport Development Project na obhetong pahewason an kakayanan kan palupadan na maakomodar an darakulang eroplano.
Sa ngunyan, padagos man an paglalapigot kan LGU-Naha tanganing magkaigwa nin mga marhay na lakdang dapit sa usapin na ini.
