NAGA CITY- Mahigot na pigbabantayan kan mga tanod asin barangay opisyal sa Dinaga, Naga City sa mga nagbibisita sa Plaza Rizal.
Sa entrevista kan Bombo Radyo Naga ki Ma. Cristina Intia, Kapitan kan nasambitan ng barangay, sinaysay kaini na ngunyan na nagrarani na an kapaskuhan, mas pinahigot pa kan saindang lado an pagbabantay sa mga nagbibisita sa nasambitan ng Plaza orog na sa mga minor de edad na mga estudyante na pig-papautob an curfew hours.
Sigun pa ki Intia, tolong team an nakaduty sa saindang mga barangay tanod. Kun saen, pigsasagibo an pagpapatrolya sa barangay.
Katakod kaini, sa presente mayo man naikurit na narescue kan mga aking nagbabasaybasay sa saindang barangay.
Sa ngunyan, nagpagirumdom man an opisyal sa mga estudyante na pakahali sa eskwelahan an magderitso na ini sa saindang harong tanganing makalikay sa anuman na insidente, siringman an pag-aapon kan mga basura sa tamang basurahan tanganing magin madali man sa lado kan Solid Waste Management an pagpick-up kan mga basura.
