NAGA CITY- Mahigot na pignegar ni Liberal Party (LP) President asin Sen. Kiko Pangilinan na an saindang partido an yaon sa likod kan sinasabing destabilization plot laban sa Duterte Administration.
Sa entrevista kan Bombo Radyo Naga ki Pangilinan, sinaysay kaini na sarong convenient excuse na para sa Duterte Administration na ibasol sa oposisyon kun nahahampang ini sa kontrobersiya.
Nagkapira na sana suboot na example digdi an pagkakabasura sa appointment ni dating Foreign Affairs Sec. Perfecto Yasay asin an pagkakaimbwelto suboot ni Justice Sec. Vitalliano Aguirre II sa isyu kan P50 milyon na extortion sa Bureau of Immigration.
Mientrastanto, labi man an pagpapasalamat ni Pangilinan ki Defense Sec. Delfin Lorenzana asin ki Armed Forces of the Philippines (AFP) Chief of Staff Eduardo Año makalihis na dae an mga ini magtubod na an LP an yaon sa likod kan sinasabing destabilization plot laban sa gobyerno.
Sinaysay suboot kan duwang opisyal na mayo an mga ining nareresibeng impormasyon manungod sa planong pagpapabagsak sa Duterte Administration.
