NAGA CITY- Pigsaysay kan alkalde kan siyudad nin Naga pinal na asin dapat na sunudon an desisyon kan Korte Suprema sa pigkukuntestar na loteng pigo-okupar kan Naga City Hall compound sa J. Miranda Avenue, Barangay Concepcion Pequena, Naga.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na makalihis an pirang dekadang pakikipaglaban sa sa paagi kan legal na proseso nagkaigwa na ini nin katapusan makalihis an nagin desisyon kan Korte Suprema.
Marurumduman, nakapalaman sa nasambitan ng kasuguan na igwang petsang Mayo 6, 2025, dae na maako nin mga apelar an Supreme Court gikan sa mga tagapagmana ninda Jose asin Helen Mariano, an orihinal na mga maysadiri kan limang ektaryang lote.
Alagad igwa soboot kaipuhan na bayadan na sa presente pighahalat pa an magigin desisyon kun pira.
Sigun sa alkalde, kaipuhan soboot ining maibugtak sa budget tanganing tolos man na mabayadan.
Mientrastanto, ikinaogma asin ipinagpasalamat man ni Robredo an resultang ini kan kaso na nagpapusog sa gobierno kan ciudad komo lehitimong maysadiri na kan lote.
Huli kaini, makakabuwelo na soboot sa mga planong pagpakarhay kan bilog na compound kabali na an mismong city hall na nagsirbeng harong kan gobierno lokal nin labi 70 taon.
