Padagos an pagbulos nin pagbati makalihis na maghakot nin kabilugang apat na gintong medalya asin duwang silver medals an tugang ni 2-time gold medalist Carlos Yulo na si Karl Jahrel Eldrew Yulo.
Kaiba an joven na Yulo sa pigkundusir na 3rd JRC Artisitic Gymnastics Stars Championships kun saen an Pilipinas igwang kabilugang 21 Golds, 9 silvers asin apat na bronze medals.
Nakakua si Yulo nin apat na gold medals sa mga kategorya kan still rings, vault, floor exercise, Individual All-Around asin silver man sa parallel bars.
Huli digde, kadakol na mga Pinoy an nagsasaysay na dae harayong magigibo man soboot an trayumpo kan saiyang tugang sa Olympics.
Enot na nin pigsaysat kan Gymnastics Association of the Philippines (GAP) na ibabali kaini si Yulo sa listahan na ilalaban sa 2028 LOS Angeles Olympics.
