NAGA CITY- Nagin matrayumpo soboot an nagin pagbisita ni Department of Education Sec. Sonny Angara sa Camarines Sur kan nakalihis na mga aldaw.
Sa entrevista kan Bombo Radyo Naga ki Atty. Salvador Bogs Pelingon, Division Information Officer kan DepEd-Camarines Sur, sinaysay kaini na nagheras nin asistensiya an nasambitan ng opisyal sa mga piling eskwelahan sa probinsiya kan Camarines Sur na labing nadanyaran kan mga nakalihis na Bagyo.
Sigun ki Pelingon, binisita ni Angara an Bula Central School na saro sa mga labing nadanyaran kan bagyo na kun saen tinawan ini ni Sec. Angara nin nasa P100-k cash assistance para sa immeadiate purchase kan printer tanganing makapag print kan mga learning materials.
Apwera digde, an USAID man nakipaglink nin kasunduan sa DepEd kun saen nagtao an mga ini nin libro na magagamit kan mga paratukdo asin estudyante.
Dugang pa kan opisyal, binisita man ni Angara an Rodriguez National High School sa banwaan kan Pili kun saen ini an sample na classroom na pigsusuportaran kan Provincial government na kun saen nagpapahiling nin modernong classroom, igwang marhay na internet connection, ikipahe asin fully airconditioned.
Apwera pa sa mga nasambitan ng eskwelahan, binisita pa kan sekretaryo an Minalabac National High School.
Naglunsar man an DepEd CamSur kan pig-aapod na Camsur learning and development Center sa may parte kan Del Rosario Pili, Camarines Sur.
Sa ngunyan, dakula an pasasalamat kan paratukdo asin mga estudyante sa sektretaryo sa saiyang pagbisita huli ta nagpapahiling soboot ini kan dakulang pagsuporta kan Department of Education sa saindang lado.
