Nagtutubod an sarong propesor kan De Salle University na mas kongreto ngunyan an lakdang kan Estados Unidos tangani protehiran man an saindang interes sa Indo Pacific dahil sa agresyon kan China sa West Philippine Sea.
Sa pigkundisir na forum sa Quezon City, sinabi ni Dela Salle University Professor for International Relations Renato De Castro an pagbisita sa nasyon ni US Defence Sec. Pete Hegseth an nagpapahiling sana nin mas pinakusog na kooperasyong kan Pilipinas asin man kan Amerika tangani maihanda an aktibong partisipasyon kan AFP tangani mamantinir an katrangkiluhan sa Indo-Pacific Region.
Paliwanag pa ni De Castro na patunay digde an pag-deploy nin sarong short range missile system, pagsasagibo nin Joint Special Operations Training kaiba an Philippine Marines sa Batanes, na harayo man sa West Philippine Sea asin harani man sa Taiwan.
Inilatag man ni De Castro ki Sec. Hegseth an pagtatatag kan Joint US Defense Base para sa pagbilog nin weapons, pagkumpuni kan mga barko asin iba pang hardware pandigma.
Importante an ipinapahiling ngunyan na pagpapakusog kan alyansa kan Estados Unidos sa Pilipinas asin sa Japan o an pagpapadagos kan trilateral partnership tangani orog pa na mapakusog an focus sa Indo Pacific Region makalihis soboot bistuhon kan Amerika na an China an pinakamakusog na humang pangseguridad sa Indo Pacific Region.
