Pinapa-asegurar ni Senate President pro-tempore Ping Lacson na magbugtak nin probisyon laban sa mga pang-aabuso asin pag-epal kan mga politiko sa mga ayuda programs sa irarom kan 2026 national budget.
Siring sa Medical Assistance to Indigent and Financially Incapacitated Patients (MAIFIP), pighurot ni Lacson na dae na dapat makiaram an mga senador asin kongresista sa paagi kan pag-iisyu nin guarantee letters sa mga nagpapaospital.
Pigtawan duon ni Lacson na dawa buhusan nin ₱100 billion an MAIFIP asin mga programang pangsalud ay papabor ini basta dae pagsamantalahan asin dae pakikiaraman kan mga politiko an implementasyon.
Sinang-ayunan kan mga kapwa senador sa majority bloc an pighurot kaining anti-epal provision sa national budget kun saen pagbabawalan an mga politiko sa tarauhan kan ayuda.
Ipinunto ni Lacson na bugtakan nin penal provision o padusa an mga politikong eepal pa man. Pagirumdom pa ni Lacson, limitado sana an papel kan mga lehislador sa pagbalangkas kan budget asin bako sa pagpapautob kaini.
