Bilog an pagtubod ni House Prosecutor asin Bukidnon Rep. Jonathan Keith Flores na mapadagos sa 20th Congress an pagbubusol kan Kamara sa impeachment case kontra ki Vice President Sara Duterte.
Pahayag ini ni Flores sa hampang kan pighahagad na sertipikasyon kan Senate Impeachment Court na interesado an 20th Congress na ipursige an proseso kan impeachment kontra ki VP Sara.
Ipinunto ni Flores na sa pagsunad nin articles of impeachment, malinaw an kahagadan kan hababang kapulungan na maisalang na sa impeachment trial an Bise Presidente asin mayo pa ining nadadangog gikan sa mga kongresista na bumabawi kan suporta digde.
Ipinaliwanag man ni Flores na malabong maitao ngunyan an hinahagad na sertipikasyon kan Senate impeachment court nin huli ta pormal na pag-convene sa 20th Congress an mangyayari sa July 28 pa o sa aldaw na nakatalaan man na maglahad nin ika-apat na State of the Nation Address (SONA) si Presidente Ferdinand Marcos Jr.
