Mapuon sa June 16, 2025 an ralaogan kan mga estudyante sa mga pampublikong eskwelahan sa nasyon, sigun sa Department of Education.
An pagpuon kan klase na ini an tanda kan pagbweltada sa pre-pandemic school calendar, siring kan nakabalangkas sa DepEd Order No. 12, Series of 2025.
Mapadagos an school year 2025-2026 hasta March 31, 2026 kun saen pigbibilog kan 197 na aldaw an klase, kaibahan an End-of-School-Year (EOSY) rites.
Sigun sa ahensiya, pwedeng mabago pa an numero na ini basado sa mga dae piglalaomang pangyayari asin mga direktiba sa futuro.
Mientrastanto, sigun man ki Senate Committee on Basic Education Chairman Senador Sherwin Gatchalian, an pagpapadagos kan klase sa Hunyo, makakatabang na maibweltada sa normal na pagmate kan mga estudyante asin paratukdo makalihs an Covid-19 pandemic.
Makakatabang man ini soboot tanganing makalikay an mga estudyante asin paratukdo sa matinding init kan panahon.
Sigun sa senador, dae nagin madali an proseso tanganing maibweltada an pagbubukas kan klase sa bulan kan Hunyo alagad nagibo ini.
