NAGA CITY-Mas marhay na suboot an ginibong pagbutas sa pwesto ni Commission on Elections (COMELEC) chair Andres Bautista urog na kun naaapektaran na an responsibilidad kaini sa trabaho.
Ini an pahayag ni Deputy House Speaker 2nd District Rep. Fredenil Castro sa entrevista kan Bombo Radyo Naga.
Pig-uyunan kan kongresista an resignation ni Bautista huli ta nagtutubod siya na labi ng naaapektaran an trabaho kaini komo Comelec chief makalihis an akusasyon kan saiyang estranged wife na si Patricia.
Pigtuga man ni Castro na ‘no’ an saiyang boto sa impeachment complaint laban ki Bautista na pinagbotohan sa House Committee on Justice.
Nagtutubod man suboot siya na dapat nang ibasura an nasambitang reklamo sa ibong kan kamawotan kan nagkapirang mga lehislador na ipadagos an kaso para maaraman kan taong bayan kun totoo o anas kaputikan sana an mga pigdadaklag na alegasyon laban ki Bautista.
