Bakong masigasig an Malakanyang na buwagon an Department of Public Works and Highways (DPWH) sa tahaw kan urulay korapsyon sa infrastructure projects, partikularmente na sa flood control programs.
Sa ngunyan dae pa naiisip kun dapat ining i-abolish huli ta dapat an halion digde an iyong mga naggigibo nin sala.
Marikas man na maaraman kun sisay sisay ini asin sa tabang na man ni Secretary Vince (Dizon), mahahali an dapat mahali sa ahensiya, sigun ki Presidential Communications Office Undersecretary asin Palace Press Officer Claire Castro.
An katuwiran pa man ni Cstro, dae na man gabos kan nasa ahensiya an imbwelto sa korapsyon. An departamento, bako gabos kan mga nangangasiwa asin bako gabos kan mga taong-gobyerno sa DPWH an masasabi kaining naggigibo nin kasalaan.
Igwa nin mga public servants pa man asin public officials na masasabi kaining nagsisimbag sa saindang mga obligasyon, dugang pa kaini.
Sa report, nagtutubod si Senate Committee on Finance Chairman Senador Sherwin Gatchalian na mas marahay buwagon na sana an DPWH asin magtatag kan bago.
Ini an huli sa soboot korapsyon na nagpapatos sa ahensya kabali an isyu kan maanomalyang flood control projects asin kansuarin sanang nadiskubre na anomalya sa farm to market road projects.
Sa paghiling kan senador, aabuton nin kadakol na taon antes na malinig ni Public Works Secretary Vince Dizon an ahensya. Komo halimbawa, binanggit ni Gatchalian na may mga ghost project o na nadiskubre sa manlaen-laeng panig kan nasyon — bako sana sa Bulacan — na nagpapahiling nin mahewasang korapsyon sa laog kan DPWH.
Nabusisi an ahensya makalihis nagluwas an mga report na pirang lokal na opisyal kaini an imbwelto sa mga maanomalyang flood control projects, partikularmente sa probinsya kan Bulacan
