Tahasang pigbatikos ni Deputy Majority Leader asin La Union Rep. Paolo Ortega pigbuyagyag ni dating Presidente Rodrigo Roa Duterte na igwang mga blangko sa 2025 national budget.
Pagduon ni Ortega, fake news o dae totoo asin salang impormasyon an pigsaysay ni dating presidente na an motibo an maibe-bwelta an P2-bilyong pondo para sa opisina kan saiyang aki na si Vice President Sara Duterte.
Marurumduman na binawasan kan Kongreso an budget kan Office of the Vice President (OVP)ngunyan na taon kaya gikan sa P2 bilyong budget kan nakalihis na taong-2024 an ibinaba ini sa P733 milyon.
Hurot ni Ortega, nagsairarom sa pag-adal asin konstitusyunal na proseso an 2025 budget antes ini pirmahan kan Presidente tanganing maisabatas.
Tiwala man si Ortega na mas maaram na an mga tawo ngunyan asin dae na pigtutubodan an lumang istilo na paggamit kan internet troll tanganing magpakuriyat nin fake news.
