Nagtao nin patanid an mga otoridad sa publiko kontra sa mga scammer na nagpamalo-malo sa pagrehistro o pag-verify kan account sa eGovPH app.
Sigun sa sarong Facebook post kan eGovPH, nakikipagkoordinar an mga scammer sa saindang mga biktima sa paagi kan apod, email, o chat, asin nagtatangro kan soboot tabang sa pagrehistro.
Pinapa-download an mga biktima nin pekeng app na pig-aarog an eGovPH gikan sa mga pekeng website. Apwera digde, pighuhurot man kan mga scammer na panuan an mga form asin magpadara nin live selfies an biktima.
Pig-abisuhan man an publiko na i-report tolos an mga siring na insidente sa Cybercrime Investigation and Coordinating Center (CICC) sa paagi kan toll-free hotline 1326, email sa report@cicc.gov.ph o sa eReport feature kan lehitimong eGovPH app, na puwedeng i-download.
