Nag abiso an Cybercrime Investigation and Coordinating Center (CICC) sa publiko huli sa pagdakol nin numero kan cryptocurrency investment scams sa nasyon.
Pigsaysay ni CICC Executive Director Alexander Ramos, na igwa nin nagkapirang banko an nag-suplong sa sainda na pirang depositors ninda an nawaran nin milyon huli sa cryptocurrencies scams.
Dae man soboot nagrarani sa saindang opisina an mga depositors na nabiktima.
Dugang pa kaini na magpuon pa kan bulan nin Nobyembre pig abisuhan na an publiko dapit sa nasambitan ng pagkuriyat sa nasabing crypto currencies sa nasyon asin ini man naglalala ngunyan na bulan nin Disyembre.
Nagigin makabago na asin marikasan na an ginigibo ngunyan kan mga nasa likod kan modus na kun saen marikas man na nawawara an kwarta enkaso na nagdeposit na an mga ini.
Sa ngunyan nakikipag koordinar na sinda sa manlan laen na ahensiya tangani na tulos mauntok an mga nasa likod kan nasambitan ng panloloko.
