Nangapudan si Senador Sherwin Gatchalian para sa sarong pa-iimbestigat sa nagdadakol na insidente kan smuggling kan luxury car na nagreresulta sa dakulang pagkalugi sa kita kan gobyerno.
Naenot nang pigsunad ni Gatchalian an Senate Resolution No. 1318 makalihis madiskubre na sunod-sunod an pagpupuslit kan mamahalon na kotse na napatunayan sa isinagibong paglusob sa nagkapirang car dealers sa nasyon.
Sigun ki Gatchalian, sa ibong kan mga padusang pigpapataw sa smuggling asin magin an paglapigot kan manlaen-laen na ahensya kan gobyerno na pugulan an mga insidenteng siring kaini, nagtitinir na naglalakop an smuggling kan mga mamahalon o high-end luxury vehicles.
Dapat soboot tawan duon na an smuggling ay nagkakawsa nin dakulang epekto sa ekonomiya huli sa nawawaran nin kita an gobyerno.
An pagpupuslit nin mga mamahalon na lunadan ay labing nakakaapektar sa automotive industry, partikularmente na sa mga lehitimong negosyo.
Kan nakalihis na Pebrero, kan tulong magkakasuhay na raid na tulos man na pigsagibo kan Bureau of Customs laban sa mga nagpapabakal nin mga luxury car. Isinagibo an enot na raid kan Pebrero 13 sa AC Che Gong Miao car shop sa Pasay City asin Top Car Specialist and Trading na kun saen nag abot sa P1.4 bilyon an kantidad nin mga smuggled na luxury vehicles.
An ikaduwang pagsalakay man ay isinagibo kan nagsunod na aldaw, Pebrero 14, na kun saen nag abot sa P366 milyon ang kantidad nin mga smuggled luxury vehicles gikan sa soboot nagpapabakal kaini na ACH High-End Motor Service Center.
Kan nakalihis man na Pebrero 19, isinagibo an ikatulong raid sa Auto Vault Speed Shop sa Taguig City, na nagresulta sa pagkakasamsam kan P900 milyong kantidad nin mga smuggled luxury vehicles.
Duon pa ni Gatchalian, sa tahaw kan talamak na smuggling kan mga mamahalon na lunadan, kaipuhan na surion na marhay kan gobyerno an diskarte kaini sa pagresolbar sa smuggling sa nasyon. Sa irarom kan Section 149 kan National Internal Revenue Code, an ad valorem tax sa mga lunadan ay ipinapataw basado man sa selling price kan manufacturer o importer asin an net kan excise asin value-added tax.
Halimbawa na sana, an sarong lunadan na may net manufacturer’s price o importer’s selling price na labi sa P4 milyon ay mapapatawan nin 50% excise tax.
