Nagtutubod si House Deputy Majority Leader asin La Union Rep. Paolo Ortega na sarong dakulang “fake news” an sinaysay ni dating Presidente Rodrigo Roa Duterte na magdedeklara nin martial law si Presidente Ferdinand “Bongbong” Marcos Jr. asin an pagsierto na mapatatalsik si Vice President Sara Duterte tanganing matinir ini sa pwesto asin kapangyarihan.
Pig-apod na Mr Fake news ni Ortega an dating Presidente.
Sa lado man ni Lanao del Sur Rep. Zia Alonto Adiong minaliit kaini an pahayag ni Duterte asin sinabing igwa nin derichos an dating presidente sa saiyang sadiring opinyon alagad an kaso kontra sa Bise Presidente an igwa nin matibay asin legal na basehan.
Pigpunto ni Adiong na an mga kaso kontra ki Duterte an nakabasa sa soboot salang paggamit kan confidential funds asin mga pagbabanta sa haralalangkaw na opisyal, asin bakong sa isyu kan pulitika.
Pig-enkaminar ni Adiong an publiko na tawan nin pansin an importanteng usapin asin dae magpalinlang sa mga taktikang pampulitika na obhetong ilihis an pokus sa kaso.
Liwat tinawan duon ni Adiong na dae dapat haluan nin electoral politics an usapin kan constitutional accountability.
