Posibleng sa maabot na Pebrero 4, maideklarar na kan Department of Agriculture (DA) an food security emergency for rice.
Pigsaysay ni Agriculture Secretary Francisco Tiu Laurel Jr, na naresiber na ninda an resolution kan National Price Coordinating Council na nagrerekomenda nin emergency declaration.
Pag-aadalan muna nindang marahay an resolution antes an pagdedeklarar nin food security emergency for rice. Marhay na dara kaini an tangani mabawasan an laog nin mga bodega kan National Food Authority (NFA) asin mas kadakol na mabakal sa mga lokal na paraoma.
Sa pagluwas nin 300,000 metric tons kan bagas sa merkado sa laog nin anom na bulan, makakatabang ini sa pagbaba nin kadikit kan presyo kan bagas.
Enkaso naipautob an deklarasyon, an mga buffer stocks kan NFA an ipapabakal sa mga ahensiya kan gobyerno asin man local government unit nin P36 kada kilo asin man an mga parabakal, makakakua nin tig-P38 kada kilo.
Otorisado kaya an DA na magdeklarar nin food security emergency on rice basado sa nakabugtak sa Rice Tariffication Law enkaso nagkaigwa nin kakulangan kan suplay o biglaang paglangkaw presyo kan bagas.
