Pinag-aadalan na ni World Health Organization (WHO) director-general Tedros Adhanom Ghebreyesus an pag-convene kan expert committee tanganing pag-ulayan an naghehewas na mpox outbreak sa Africa.
Ini kun idedeklarar an MPOX komo sarong international emergency.
Puon kan Setyembre, nagkaigwa na nin paglangkaw sa kaso kan nasambitan ng helang sa Democratic Republic of Congo na pinagtutubudan na nagkuriyat na sa iba pang mga African countries.
Sigun ki Ghebreyesus pighewasan na kan UN health agency, Africa Centers for Disease Control and Prevention, asin mga local government sa Africa an saindang simbag sa nasambitan ng problema.
Pigtawan duon kan UN Director General, pigkokonsederar kaini an gabos nin salik kun kaipuhan nang kaulayon an International Health Regulations emergency committee para digde.
An mpox, na bistado sa dating apod na monkeypox, an sarong nakakaulakit na helang na kawsa kan virus na naibabalyo sa mga tawo gikan sa mga hayop, prog na sa rodents o daga.
Posible man soboot an human to human transmission sa paagi kan physical contact.
Enot ng nadiskubre kan 1970 sa Democratic Republic of Congo kun saen an inisyal na palatandaan an kalintura, pagkulog nin kalamnan, skin lesions, asin iba pa.
