Pigtawan-duon ni Mamamayang Liberal (ML) Partylist Representative Leila De Lima na an pagdepensa sa West Philippine Sea (WPS) an bakong pag-uudyok nin giyera kundi pag-demand nin dignidad.
An WPS soboot an sa Pilipinas asin dapat ini an respetuhon.
Ini an pigtawan-duon kan lehislador sa sarong pahayag kasabay kan pagkomemorar kan ika-9 na anibersaryo kan makasaysayang kapangganahan kan Pilipinas sa 2016 arbitral ruling na nagdeklarang mayong legal na basehan an 9-dash line claim kan China sa pinag-iiwalang kadagatan na sakop an West Phillipine Sea.
Sigun pa sa lehislador, sa paagi kan makasaysayang ruling, binisto kan bilog na kinaban na an WPS an pagsasadiri kan Pilipinas sa irarom kan International law.
Alagad, an trayumpo na ini an dae dapat na magtinir na nakatiwangwang sana kundi dapat na isabuhay, itukdo asin depensaran.
Naunambitan man ni De Lima na nag-atendir inisa WPS bloc sa Kamara de Representantes kun saen kasuarin sana, pigsunad kan grupo a mga prosopwesto asin resolusyon na obhetong makapagtao nin kahulugan asin maipagpadagos an legal na kapangganahan sa nasambitan ng kadagatan.
Kaibahan na digde an House Bil No. 1625 na nagmamandato sa pag-iba kan mga isyu sa WPS sa curriculum sa elementarya asin sekondarya.
An House Bill No. 1626 na nagdedeklarar sa Hulyo 12 komo National WPS Victory Day asin sarong special working holiday.
Siring man an House Resolution No. 39 na nangangapodan para sa pag-aadal sa koneksiyon kan Sister City sa mga Chinese Cities.
Sa huri, pig-enkaminar kan lehislador an publiko na ipaglaban an derechos asin an West Philippine Sea.
