NAGA CITY- Fulfilling, siring kaini isaladawan kan 1st successful blood donor kan Dugong Bombo 2025 sa parte kan Naga City an saiyang namatean makalihis na matrayumpong makapag-donar nin dugo.
Sa entrevista kan Bombo Radyo Naga ki Rholly Altares, 1st successful blood donor kan Dugong Bombo 2025, sinaysay kaini na regular soboot ining nagdo-donate nin dugo orog na kung igwang siring na aktibad an Bombo Radyo.
Sigun pa ki Altares, sa saindang barangay igwang nag-eeganyar na magdonar nin dugo na nagseserbeng panata na komo pakikisumaro sa pagsalbar nin buhay.
Saro soboot ini sa naenkaminar kun kaya amay pa sana an nag-asikaso na asin nangenot komo matrayumpong blood donor.
Dugang pa ni Altares, importante soboot an siring na mga aktibidad orog na ta nakaeksperyensiya an Bicol Region nin hagupit kan bagyong Uwan kasuarin sana.
Kadakol an nangangaipuhan nin dugo ara-aldaw kaya an kadikit na kulog na mamatean sa pagdo-donate nin dugo katampad man kaini an makatabang sa pagsalbar nin buhay.
Mientrastanto, kadakol man an nakisumaro sa aktibidad na kun kaya labi an pasasalamat kan Bombo Radyo Naga sa nakiparte sa nasambitan ng event.
