Aprubado na kan Kataas-taasang Hukuman an paggamit nin ‘sign language’ sa mga pagdangog kan korte sa Hudikatura.
Sa naganap na ‘en banc session’ kan Korte Suprema, inaprubahan kaini an paggamit kan FSL Rules o an Rules on Filipino Sign Language Interpreting in the Judiciary.
Alinsunod an pag-apruba sa nasambitan ng panundonan sa implementasyon kan Republic Act No. 11106 o The Filipino Sign Language Act.
Obheto soboot digde na masierto an pantay, asin epektibong pag-abot kan katarungan sa mga d/Deaf Filipinos asin padalion an saindang bilog na partisipasyon sa mga pagdangog sa korte.
Sigun sa Korte Suprema, an ‘Filipino Sign Language Rules’ an i-apply sa gabos kan ‘court proceedings’ kaibahan na an d/Deaf Filipinos kan Hudikatura, litigation stage, na igwang akmang pagpili sa mga mawot na paagi kan komunikasyon.
Komo konteksto, nakasaysay sa ‘rules’ depinisyon kan tataramon na ‘deaf’ na igwang sadit na letrang ‘d’ an mga Pilipinong nawaran nin pandangog na pwede o dae pwedeng maggamit nin sign language o pabistado na parte kan Deaf Community.
Mantang an tataramon na ‘Deaf’ man na dakula an letrang ‘D’ iyo an mga indibidwal na naggagamit nin Filipino Sign Language asin kaibahan sa saindang komunidad.
Digde ninda pigtawan-linaw na an gabos kan Filipino Deaf an deaf, alagad bakong gabos kan deaf Filipinos an maikokonsiderar na Deaf.
An nasambitan ng inaprubahan na panundonan an piglalaomang magigin epektibo puon sa maabot na ika-15 kan Disyembre sa presenteng taon.
