Liwat na pupuonan kan Malaysia Transport Ministry an paghahanap sa Malaysia Airlines Flight MH370 makalihis an mahigot na sarong dekada puon kan ini an mawara.
Marurumdumang kan nakalihis na Marso 8, 2014, 239 na pasahero an sakay kan Malaysia Airlines Boeing 777.
Ipinahayag kan Malaysian Transport Ministry kan nakalihis na Disyembre 3, Miyerkules, na an deep-sea search an ipagpapadagos kan Ocean Infinity asin nakatalaang magpuon sa Disyebre 30 ngunyan na taon.
An Ocean Infinity, sarong marine robotics firm na nakabase sa Texas, an nagpirma nin “no-find, no-fee” contract kaibahan an gobyerno kan Malaysia kan nakalihis na Marso.
Padagos man na nangangapodan an mga kaparientes kan mga biktima para sa pagpapadagos kan paghahanap asin pagkua kan kasimbagan.
