NAGA CITY- Padagos an pagtutok kan lokal na gobierno kan siyudad nin Naga sa paghali kan mga nakaulang sa gilid kan tinampo sa kasentruhan.
Sa nagin paghampang sa mga kagawad kan media ni Naga City Mayor Leni Robredo, sinaysay kaini na pig-aasikaso na kan task group an nasambitan ng problema tanganing dae na orog pang maglala an sitwasyon asin magin organisado an tinampo.
Sigun ki Robredo kinakaipuhan na nakaparehistro na an mga vendors tanganing mayo nang mahiling sa mga gilid kan tinampo na nagkakawsa sa paggabat kan trapiko asin dae pagigin organisado kan lugar.
Dugang pa kan opisyal, dae pwedeng gibuhong parking lot an mga gilid kan tinampo huli ta bako man ining designated na lugar para sa nasambitan ng kalakawan. Pigsaysay pa ni Robredo na mahagad sinda nin tabang sa Sanggunian sa portion kan General Luna tanganing magin pakarhay an area.
Kaipuhan an tamang approach o lakdang sa problema tanganing tolos man na matawan nin solusyon.
Sa ngunyan, padagos na pigtututukan kan alkalde an mga gigibuhon pang estratehiya tanganing magin tama an kasimbagan digde.
