Aprubado na ni Presidente Ferdinand Marcos Jr., an pagpasar kan 21 priority measures makalihis an pag-urulay kaibahan an Legislative Executive Development Advisory Council (LEDAC) kan nakalihis na aldaw.
Sinaysay ni Palace Press Officer Atty. Claire Castro na piglalaoman kan Presidente na maipapasar ngunyan na Hunto an nasambitan ng prayoridad na mga prosopwestong ley kaibahan an Anti-Political Dynasty Bill na sinertipikahan komo urgent.
Pigtawan-duon man an pagpasar sa Travel Tax Abolition na mapagian sa pagbiyahe kan mga Pinoy asin mga turista na piglalaomang mapaangat sa turismo kan nasyon.
Kaibahan pa sa mga prayoridad kan Presidente na maipasar sa Hunyo an Expanded Anti Online Sexual Abuse o Exploitation of Child and Anti-Child Sexual Abuse or Exploitation Materials Act of 2026.
Siring man an Fake News and Digital Disinformation na obhetong isarado man an pintuan kan mga naggigibo kan manlaen-laen na online crimes asin an BARMM elections.
Kaibahan man sa 21 priority legislative measures an Citizenship Access and Disclosure of Expenditures for National Accountability o CADENA Act; Independent People’s Commission Act; asin Party-list System Reform Act.
Kumpiyansa an Presidente na magigin magayon an epekto kan mga prayoridad na prosopwesto sa oras na maisaley an mga ini.
