Pigsaysay ni Bishop Gerardo Alminaza kan Diocese of San Carlos sa Negros Occidental na an pagkaka-arestar ki dating Presidente Rodrigo Duterte an saro soboot na ginhawa para sa ribu-ribong pamilya na nawaran nim mga mahal sa buhay huli sa kontrobersyal na ‘war on drugs’ na pinuonan soboot sa Davao asin man naglakop sa bilog na nasyon.
Sigun pa sa Obispo an pagkaka-arestar ki Duterte a mabukas nin dalan para sa hustisya para sa iba pang mga may sala sa ‘war on drugs.’
Iniladawan man kaini an pangyayari komo sarong “maliwanag na pag-asa” gikan sa panahong pigsasagibo an mga iligal na paggadan kan administrasyong Duterte na nagkawsa soboot nin takot sa nasyon.
Pigpagirumdom man ni Alminaza an padagos na pag apod kan Diocese of San Carlos na wakasan na an mga paggadan, asin binanggit kaining ini mismo an nagin saksi sa nakakapanluyang epekto kan kadahasan.
Ginirumdom man kaini an mga pangadyi sa burol ni Skyler Bladen Abatayo, sarong 4 anyos na aking lalaki na nagadan sa ligaw na bala gikan sa sarong drug raid sa Cebu City.
Namumundo man ini para sa mga taong padagos na sinusuportaran an madahas na kampanya kan ‘war on drugs’, kun saen pinapapakuriyat an mga paggadan komo solusyon sa problema kan droga.
Mientrastanto, pig inkaminar ni Alminaza an publiko na magsagibo nin mga pagsusuri sa saindang mga pinagtutubudan, asin ipahayag an promisa sa pagtaong importansya sa buhay asin pagtutol kan simbahang Katolika sa ano man na klase nin salang solusyon sa mga problemang pigkakaatubang kan lipunan.
Dugang pa kaini na importante an papel kan Simbahan tangani magin simbolo laban soboot sa mga dae makatarungang gibuhon.
