Nagpaluwas nin pahayag an sarong abogado manungod sa nagin pag-arestar ki Dating Presidente Rodrigo Duterte kan International Criminal Court.
Sa naging kapahayagan ni Atty. Rodante Marcoleta, mayo na suboot magiginibo an gabinete dawa na magkundisir nin pira pang klase nin pagdangog huli ta naipasakamot na an dating Presidente sa The Hague Netherlands.
Tinawan duon pa kan opisyal na nagresulta soboot an pag-kakaarestar kan dating presidente sa pagkakabaranga kan mga Pilipino pag-abot sa manlain-lain na mga pagtubod, igwa kaya nin mga naogma mantang igwa man nin namundo sa nasambitan ng pangyayari.
Mientrastanto pigtawan duon man kan opisyal na haros pigtalikudan kan ibang mga nakatukaw na opisyal kan gobyerno an saindang mga naenot na pahayag manungod pa sa hurisdiksyon kan International Criminal Court kun kaya nakalaog man giraray ini sa Pilipinas asin nakua an dating presidente.
Alagad sigun ki Marcoleta, enkaso man na magpaapod pa nin pagdangog si Senadora Imme Marcos, magkakanigo sana suboot na ipaapod man kaini an mga mas responsableng indibidwal na imbwelto sa nasambitan ng isyu, orog na ta igwa suboot nin mga kaipuhan pang matawanan linaw mapadapit sa naging pag arestar kan ICC ki dating Pangulong Duterte.
