Pinuri ni Speaker Ferdinand Martin G. Romualdez si Presidente Ferdinand R. Marcos Jr. makalihis makaako an Pilipinas sa dirty money grey list kan Financial Action Task Force (FATF) na nakabase sa Paris, na pakikinabangan kan mga overseas Filipino worker (OFWs) huli ta mababa an singil sa saindang remittance na pigpapadara sa saindang mga mahal sa buhay sa nasyon.
Binisto man ni Speaker Romualdez an mahewas na epekto kan pagkakahali kan Pilipinas sa grey list bako sana sa mga OFW magin sa mga nagnenegosyo sa nasyon.
Pigkokonsiderar man ini kan Speaker komo makasaysayang trayumpo kan administrasyong Marcos na saro soboot patunay nin paghihingowa kan nasyon sa pagkakaigwa nin integridad sa pananalapi, transparency, asin pangkinaban na pamamayo sa ekonomiya.
Napaiba an Pilipinas sa FATF Grey list kan nakalihis na Hunyo 2021 o kan nakalihis na admininstrasyon.
Hurot man kan lider nin Kamara an dakulang ambag kan Kamara de Representantes sa paagi kan reporma sa lehislasyon sa pagpapakusog kan anti-money laundering asin counter-terrorism financing framework kan nasyon, na kaibahan sa pangenot na kondisyon tanganing mahali an Pilipinas sa listahan.
Para sa lado kan pagnenegosyo, pigtukoy ni Speaker Romualdez na mapapakusog kaini an tiwala kan mga mamumuhunan, makaka-engganyo nin foreign direct investment (FDI), asin mapahigot an relasyong pangkalakalan tanganing maisaposisyon an nasyon komo premyadong economic hub sa rehiyon.
Pigbisto kan Speaker an makusog na pamamayo ni Presidente Marcos na piglatag an roadmap tanganing makasunod sa FATF action plan sa paagi kan Executive Order (EO) No. 33 na iniluwas kan nakalihis na taong-2023.
Pigsierto ni Speaker Romualdez na padagos an Kamara sa pagbabantay kan integridad kan pananalapi asin sisiertuhon na dae mapapabali liwat an Pilipinas sa grey list asin gabos kan reporma sa lehislatura an masuport sa katatagan kan ekonomiya asin pangkabilogan na pag-uswag.
